車仔終誕生, 一步一腳印
這兩星期公司上上下下疲於奔命, 在此我要多謝Alan, Michael, Alfred及其他同事在交收車仔單上的付出, 也為各支持Tiny的朋友們說聲感謝, 在交收安排上有待慢, 失誤, 在此致十萬分歉意。
今個星期可以用"體會人情冷暖, 歷盡人間幾回"來形容, 車仔的開發多得車仔廠的頂力支持同亞威無數精神, 足足花了一年時間, 開心的是見到超多朋友, 親戚的支持, 有D"唔睇都買下"都有, 過萬架車仔, 三天賣完....真的好意外, 唔開心的是因為定價關係, 鬧得滿成風雨, 第一天派店網上流言四起, 又話有店賣$35, 又話鴻興賣$40....
很多店友因為車仔而第一次入Tiny貨而我們沒有特別提"唔好冧價" , (好多人睇到這裡都係時候食花生), 好敏感, 是的, 因為第一次唔知而賣平了的店, 其實我們真的9秒9就接投訴, 我們亦好快便發了電郵提番"唔好冧價", 結果山雨欲來, 一些網友見店主調整價錢就用盡力量掦開去指滴我們扮大公司, 霸權主意, 欺壓小店, 要鋤強扶弱, 四出招摇罷買抗爭
其實這十幾年來, 就是"冧價"二字, 令玩具實體店風聲血淚, 租加不停, 利潤近零, 如果大家查一查"香港玩具店", 2009年的地址表, 再去行下, 其實60%已結業, 其實真正滅絕小店的除了業主, 還有行內"冧價"風氣, 同埋客人要"平盡"心態, 觀塘廣場亞光, 淘大星輝, 玩具駅...無數有心人已經離開不玩
"薄利多銷"是糖衣, "無利結業"是果, 我們就是好珍惜瑾餘的玩具店才站出來同大圍爭取番他們應得的幾元, 一架車仔, 只係三五元上落, 而幾元令各店健康經營下去不是大家想見到嗎? 我們將堅定不移同冧價, 平盡劃清界線, 希望同業同好大家互相支持一步步開心走下去
九龍城車展, 大嶼山, 消防職工會晚宴擺檔, 電腦展, 做訪問...每次都抬一車車一喼喼展品去, 真的好累, 但品牌是要一步一腳印去建立, 我們用實際行動告訴大家我們除了用心做好產品, 也用心去介紹
我們有很多新産品開發中, 好快會同大家見面!
以下有張相是消防處處長於晚宴尾同員方委員高唱一曲"朋友"作結尾, 不分上下, 開心高歌! 我也寄望Tiny, 各店主及你們, 大家不分彼此如歌中"難得知心, 幾經風暴, 為着我不退半步"
Search